.

Facieta

 

Quod livet Jovi non licet bovi

 

 

Quod licet IOVI,  

non licet BOVI

 

 

Iovis est libere amare,  

Bovis est vivere amare

Iovis est coire amanter,  

Bovis est perire dementer

Iovis est caelicolas futuere,  

Bovis est agricolas metuere

Iovis est concumbere puellis,  

Bovis est succumbere flagellis

Iovis est utroque sexu calere,  

Bovis est omni sexu carere

Iovis est e coniugio se liberare,  

Bovis est sub iugo laborare

Iovis est in caelo gaudere,  

Bovis est in caeno iacere

Iovis est veretrum arrigere,  

Bovis est aratrum dirigere

Iovis est pene uti in amore,  

Bovis est paene mori in labore

Iovis est irrumare supinos,  

Bovis est ruminare lupinos

Iovis est pedicare puellos,  

Bovis est perditare agellos

Andreas Bergere scripsit

 

De Brado Pitt et Georgio Clooney in Inferiis

De vita decessi et formosi Brad Pitt et Georgius Clooney, ei etiam mortui, mecum iter in Tartarum fecerunt. 
Dispater nobis portas Tartari magnas aperuit et casularum novarum situs singulis nobis dedit. Brad Pitt CXLV casulam, Georgius Clooney CXL casulam, ego L casulam accepi. 
Primo casulae Georgii obviam ivimus. Ille januam aperuit et casula magnificentissimis rebus plena erat et in intima casulae parte lectulum vidimus in quo mulier recumbebat, sed, cum illa ad nos se converteret, deformissimam omnium creaturarum vidimus et de summa caverna magna vox dixit:
- Georgi, cum illa creatura in aeternum futues!  
- Me miserum, inquit Georgius dum janua se claudit et nos sejungit.
Deinde casulae Bradi obviam ivimus. Ille januam aperuit et casula magnificentissimis rebus plena erat et, hic etiam, in intima casulae parte lectulum vidimus, in quo mulier recumbebat. Tum etiam, ubi illa mulier ad nos se convertit, taeterrimam omnium mulierum vidimus et de summa caverna magna vox dixit: 
- Brad, cum illa creatura in aeternum futues!
- Me miserum, inquit Brad dum janua se claudit et nos sejungit.
Postremo ante casulam mihi dictam adivi. Tum animo inquieto januam aperui nam haec casula etiam magnificentissimis rebus abundabat et nimirum in intima casulae parte lectulum vidi, in quo mulier recumbebat. Illa mulier autem formosissima Isabella Adjani erat, viginti annos nata, et de summa caverna magna vox dixit:
- Isabella, illi creaturae in aeternum dabis!

Johannes-Franciscus qui et Caligula Arcoiali scripsit

 

 
Hodie sumus – Vincentius hanc paginam fecit