14° Junii 2009
 
Suffixa

ad imprimendum

1 – GRAMMATICA ELEMENTA

Varia suffixa exstant latina:

-ensis: fingit adjectiva locativa.
              Lutetia → Lutetiensis
              Lugdunum → Lugdunensis...

-(i)anus: indicat filium gentemve.
              Romanus
              gens Valentina → Valentinianus significat filium aut hominem ex gente Valentinae
              hortus Petri → hortus petrianus, opera Vergilis → opera Vergiliana. Refert ad nomen domini vel scriptoris

-(i)acus: Gallicum suffixum. In Gallia, refert ad nomen domini.
              hortus Petri → hortus petriacus
              Balbinius →  Balbiniacum (vulgo Bobigny). Sic formata sunt nomina urbium locorumve quae hodie finiunt in –ac, –ay, –ey, –é, –y

-o: indicat magnam partem corporis.
              Naso, Mentulo...

-tor, -trix: indicat hominem qui agit.
              regere → rector, rectrix
              amare → amator, amatrix...

-ulus: diminutivum, affectivum.
              parvulus, puerulus, puellula...

-ellus: diminutivum.
              capra → capella
              sacrum → sacellum...

-unculus: diminutivum pejorativum.
              homunculus, portiuncula...

-ies: fingit adverbium indicatque iterationem sive repetitionem.
              quoties, millies, quinquies, pluries, multies...

-icus: indicat pertinantiam, vel victoriam.
              lingua italica pertinet ad Italiam
              Germanicus vocatur qui Germanos vicit

-tim: adverbium fingit.
              paulatim, gradatim, acervatim, sensim...

-ter: hoc suffixo elaborantur adverbia adjectivorum tertiae declinationis.
              eleganter, viriliter...

-sum: adverbium fingit, indicatque directionem.
              sursum, deorsum, retrorsum...

-itare: pro verbis, indicat repetitionem.
              rogitare, clamitare...

-izare: Graecum suffixum. In verbis indicat mutationem creationem, immitationemve.
              rythmizare, baptizare, romanizare, hellenizare...

-scere: in verbis designat mutationem vel incipium.
              florere → florescere
              convalescere, erubescere...

-issimus: adjectivum fortiter confirmat.
              dilectissimus, notissima...

-inus: adjectivus indicat pertinentiam.
              caprinus, suinus...

-eus: adjectivus indicat materiem.
              ligneus, igneus, aureus...

-genus: adjectivus indicat originem.
              indigenus, francigenus...

-bilis: indicat facultatem.
              edere → edibilis
              intelligere → intelligibilis...

2 – SCRIPTUM: EX PAGINA INTERRETIALE EPHEMERIDE, 2009

PRIMA VOX HOMINIS IN ARCHIVIS REPERTA

“Agnellum Maria habuit, candidum sicut nix. Quocumque ambulabat, sequebatur eam” – haec verba a Thoma Edison, maximi momenti in historia mundi inventore Americano, anno 1877 phonographio inscripta, putabantur adhuc primae voces humanae esse, quae artificialiter servari contigerat. Nunc tamen studiosi Americanae laboratrinae Laurentianae (Lawrence Laboratory) universitatis studiorum Californensis urbis Berkeley reppererunt primam umquam vocem hominis in sempiternum servatam esse cantilenam inventoris Gallici, Eduardi-Leonis Scott de Martinville, qui anno 1860 ad tubam phonographi cylindrici cantavit: “In luce Lunae, Petrule carissime” (« Au clair de la lune, mon ami Pierrot »). Inscriptio cantilenae latebatur adhuc in archivis Gallicae Academiae Scientiarum, quibus adsunt etiam veteriora (annorum 1853-54) conamina eiusdem inventoris Gallici vocem inscribendi, sed haec hodie tantum fragores parum intellegibiles producunt.